‘खालिद का शिवाजी’चे प्रदर्शन लांबणीवर
मुंबई, ता. ७ : ‘खालिद का शिवाजी'' या चित्रपटाचे प्रदर्शन पुढे ढकलण्यात आले आहे. नियोजित वेळापत्रकानुसार हा चित्रपट ८ ऑगस्टला प्रदर्शित होणार होता. आता मात्र तो कधी प्रदर्शित होईल, याबाबत स्पष्टीकरण देण्यात आले नाही. राज्य सरकारने या चित्रपटातील काही संवादांबाबत आक्षेप घेतला असून, चित्रपटाच्या सेन्सॉर प्रमाणपत्राचे पुनर्परीक्षण करण्याची मागणी केंद्रीय माहिती व प्रसारण मंत्रालयाकडे केली आहे. चित्रपटातील काही दृश्य व संवादामुळे जनभावना दुखावल्या जाऊ शकतात आणि कायदा-सुव्यवस्थेचा प्रश्न निर्माण होऊ शकतो, असे सरकारकडून पाठवलेल्या पत्रात नमूद केले आहे. विशेष म्हणजे या चित्रपटाची कान्स फिल्म फेस्टिव्हलसाठी निवड झाली होती.