रोहा, ता. ९ (बातमीदार)ः मुंबई-गोवा महामार्गालगत पुगाव ते ऐनवहाल हद्दीत दुपारी दीडच्या सुमारास रेती भरून जाणारा ट्रक चिखलात रुतून पलटी झाला होता. या अपघातात एकाचा मृत्यू झाला आहे, तर पाच जण जखमी आहेत.
पुगाव ते ऐनवहाल भागात गुरुवार (ता. ७) रेती वाहणाऱ्या ट्रकला अपघात झाला. गावातील धोकादायक वळणावर रस्त्यावरील चिखलात टायर गेल्याने ट्रक पलटी झाला. या अपघातात जितू ऊर्फ मोदी प्रेमजी मकवानाच्या अंगावर ट्रकमधील गोणी पडल्याने दुर्दैवी मृत्यू झाला. तर वाहनचालक धैर्यशील चंद्रशेखर पवार (रा. तळेगाव दाभाडे), संतोष कोटके, प्रफुल्ल मगर, ज्ञानेस्वर साळवी, संजय चोरगे जखमी झाले आहेत. त्यांच्यावर रुग्णालयात उपचार सुरू आहेत.