प्रभाग आरक्षणावरील हरकती, सूचनांसाठी सहा दिवसांची मुदत
मुंबई, ता. १४ : आगामी महापालिका निवडणुकांसाठी मंगळवारी (ता. ११) प्रभाग आरक्षणाची सोडत जाहीर करण्यात आली. या प्रारूप प्रभाग आरक्षणावर हरकती व सूचना नोंदवण्यासाठी महापालिकेकडून २० नोव्हेंबरपर्यंत मुदत देण्यात आली आहे. नागरिक तसेच विविध संस्थांना पुढील सहा दिवसांत संबंधित विभागीय कार्यालयांमध्ये आपले आक्षेप नोंदवता येणार आहेत. सोडतीनंतर निश्चित झालेले सर्व प्रारूप आरक्षण नकाशे आणि यादी पालिका मुख्यालय तसेच सर्व विभागीय कार्यालयांच्या नोटीस बोर्डांवर प्रसिद्ध करण्यात आले आहेत. आरक्षण सोडतीनंतर सर्व राजकीय पक्षांनी पुढील रणनीती आखण्यास सुरुवात केली असून, प्रत्येक प्रभागासाठी योग्य उमेदवार निवडण्याची प्रक्रिया गतिमान झाली आहे.