मुंबई, 17 : लांब पल्याच्या मार्गावरील मेल-एक्सप्रेसच्या प्रवाशांना आता मध्य आणि पश्चिम रेल्वे मार्गावरून प्रवास करण्याची परवानगी मध्य आणि पश्चिम रेल्वे प्रशासनाने दिली आहे. मुंबईत येणाऱ्या आणि मुंबई बाहेर जाणाऱ्या प्रवाशांना उपनगरीय लोकलमधून प्रवास करण्याची मुभा द्यावी, अशी मागणी राज्य सरकारच्या आपत्ती व्यवस्थापन, मदत आणि पुर्नवसन विभागाने 15 डिसेंबर रोजी रेल्वेकडे केली होती. त्यानुसार मध्य आणि पश्चिम रेल्वेने  लांब पल्याच्या प्रवाशांना लोकल प्रवाशांना मुभा दिली आहे.

महत्त्वाची बातमी : मोठी बातमी : बॉलिवूड निर्माता आणि दिग्दर्शक करण जोहरला NCB ने बजावला समन्स

सीएसएमटी, एलटीटी, दादर, पनवेल, मुंबई सेंट्रल, बांद्रा टर्मिनस, बोरिवली या स्थानकात येणाऱ्या आणि जाणाऱ्या प्रवाशांना लोकलचा पर्याय उपलब्ध नसल्याने पर्यायी वाहनाने त्यांना प्रवास करावा लागत होता. मात्र यामुळे प्रवाशांचा वेळ वाया जात होता. तसेच आर्थिक नुकसान देखील होत होते. या प्रवाशांना लोकलने प्रवास करण्याची परवानगी द्यावी, अशी मागणी राज्य सरकारने रेल्वेकडे पत्राद्वारे केली होती.

महत्त्वाची बातमी : उद्धव ठाकरेंचा मास्टरस्ट्रोक ? मोदींच्या बुलेट ट्रेन प्रोजेक्टसाठीच्या प्रास्तवित जागेवर उभारलं जाणार मेट्रो कारशेड?

राज्य सरकारच्या मागणीनुसार रेल्वे प्रशासनाने रेल्वे बोर्डाकडे तसा प्रस्ताव पाठविला होता. त्याला रेल्वे बोर्डाकडून मंजुरी देण्यात आली आहे. त्यानुसार मुंबईतून एक्सप्रेसद्वारे बाहेर गावी जाणार्‍या आणि येणार्‍या प्रवाशांना देखील लोकल प्रवासाची मुभा देण्यात आली आहे.  प्रवाशांना  लांबपल्याच्या रेल्वे गाडीचे तिकीट असणे अनिर्वाय आहे.

मुंबई विभागातल्या ताज्या बातम्या वाचण्यासाठी येथे क्लिक करा.

प्रवाशांना लोकलचे फक्त सिंगल तिकीट काढून प्रवास करता येणार आहे. तसेच प्रवाशांना रेल्वे गाडीच्या सुटण्याच्या वेळेपासून 6 तासाच्या कालावधी प्रवास करण्याची मुभा आहे.

travelers of mail and express trains are now allowed to travel by local train to reach desired destination