मुंबईः देशभरात कोरोनाचं सावट असल्यामुळे दिवाळी हा सण साधेपणाने साजरा करण्यात आला. त्या भाऊबीज देखील एकत्रितपणे साजरी करण्यावर काही मर्यादा आल्या. अशातच भाऊबीज साजरी करण्यासाठी आपल्या मूळ गावी जाता न आल्यानं भिवंडीतल्या भावानं आपल्या बहिणीला अनोखी भेट दिली आहे.
भिवंडीत राहणाऱ्या एका भावानं डोक्यावरील मागच्या बाजूच्या केसांमध्ये हॅपी भाईदुड असं कोरुन घेतलं आणि सोशल मीडियाच्या माध्यमातून त्यानं आपल्या दोन्ही बहिणींचा आशीर्वाद घेतलाय.
शंकरकुमार साहू असं या तरुणाचं नाव आहे. शंकरकुमार हा मूळचा बिहार राज्यातल्या गया जिल्ह्यातला रहिवाशी आहे. गेल्या ९ वर्षांपासून तो भिवंडीतल्या हनुमान नगर परिसरात राहत आहे. तो सध्या भिवंडीतल्या एका खासगी कंपनीत सुरक्षा रक्षकाचं काम करत आहे. शंकरकुमार याला तीन बहिणी आहेत. त्यातल्या दोन बहिणी बिहारमधील गया जिल्ह्यात राहतात. तर त्याच्या एका बहिणीचं निधन झालं.
भिवंडीत नोकरीनिमित्त आल्यानंतर दरवर्षी दिवाळी साजरी करण्यासाठी मी माझ्या मूळगावी जात होतो. मात्र यंदा कोरोनाचं सावट असल्यामुळे मला गावी जाता आलं नाही. त्यामुळे सातव्यांदा डोक्यावरील केसांमध्ये बहिणींना शुभेच्छा देण्यासाठी हॅपी भाईदुज अक्षरं कोरली आणि व्हिडिओ कॉल करुन मी माझ्या बहिणींचे आशीर्वाद घेतल्याचं शंकरकुमार यानं सांगितलं.
अधिक वाचा- शिवसेना बाळासाहेब ठाकरेंचा आठवा स्मृतीदिन; शिवतीर्थावर गर्दी करु नये, मुख्यमंत्र्यांचं आवाहन
Unique gift bhai dooj from brother from Bhiwandi sisters living in Bihar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.