बाळासाहेबांचे स्वप्न पूर्ण करण्याचा आपण निर्धार करुया: अजित पवार

पूजा विचारे
Tuesday, 17 November 2020

यावर्षी कोरोनाचं संकट असल्यानं शिवतीर्थावर गर्दी न करण्याचं आवाहन, मुख्यमंत्री उद्धव ठाकरे यांनी केलं आहे. बाळासाहेब ठाकरे यांच्या स्मृतीदिनानिमित्त राज्याचे उपमुख्यमंत्री अजित पवार यांनी त्यांना आदरांजली वाहिली.

मुंबईः : हिंदुहृदयसम्राट शिवसेनाप्रमुख बाळासाहेब ठाकरे यांचा आज आठवा स्मृतीदिन आहे. बाळासाहेबांच्या स्मृतीदिनी दरवर्षी या निमित्ताने त्यांना अभिवादन करण्यासाठी लाखो शिवसैनिक शिवतीर्थावर जाऊन त्यांना अभिवादन करत असतात. मात्र यावर्षी कोरोनाचं संकट असल्यानं शिवतीर्थावर गर्दी न करण्याचं आवाहन, मुख्यमंत्री उद्धव ठाकरे यांनी केलं आहे. बाळासाहेब ठाकरे यांच्या स्मृतीदिनानिमित्त राज्याचे उपमुख्यमंत्री अजित पवार यांनी त्यांना आदरांजली वाहिली.

शिवसेनाप्रमुख स्वर्गीय बाळासाहेब ठाकरे यांचा आज स्मृतिदिन. महाराष्ट्राच्या या महान नेतृत्वास माझी विनम्र आदरांजली. स्वर्गीय बाळासाहेबांनी त्यांच्या नेतृत्व, कर्तृत्व, वक्तृत्वाच्या बळावर मराठी मनावर कायम अधिराज्य केलं. महाराष्ट्राची अस्मिता, मराठी माणसाचा सन्मान व सामान्य जनतेच्या न्याय्य हक्कांसाठी जीवनभर संघर्ष केला. महाराष्ट्राची सर्वांगीण प्रगती आणि बेळगाव, कारवार, निपाणीसह संयुक्त महाराष्ट्राची स्थापना हे बाळासाहेबांचे स्वप्न होतं. स्वर्गीय बाळासाहेबांचे हे स्वप्न पूर्ण करण्याचा आपण निर्धार करुया, असं अजित पवारांनी म्हटलं आहे.

मुंबई विभागातल्या बातम्या वाचण्यासाठी येथे क्लिक करा.

बाळासाहेबांच्या स्मृतीदिनी दरवर्षी या निमित्ताने त्यांना अभिवादन करण्यासाठी लाखो शिवसैनिक शिवतीर्थावर जाऊन त्यांना अभिवादन करत असतात. मात्र यावर्षी कोरोनाचं संकट असल्यानं शिवतीर्थावर गर्दी न करण्याचं आवाहन, मुख्यमंत्री उद्धव ठाकरे यांनी केलं आहे. 

कोरोनाचे सावट असल्याने गर्दी करू नका, संयम पाळा, जेथे आहात तिथूनच शिवसेनाप्रमुखांना मानवंदना द्या, असे आवाहन शिवसेना पक्षप्रमुख आणि मुख्यमंत्री उद्धव ठाकरे यांनी केले आहे. तसंच कोरोनाव्हायसरचा संसर्ग सुरु असल्याने अभिवादनासाठी येणाऱ्या सर्व शिवसैनिकांना मास्क वापरणं आणि सोशल डिन्स्टन्सिंगचं पालन करणं बंधनकारक आहे.

अधिक वाचा-  फटाके फोडण्यावरून झालेल्या वादात वयोवृद्धांसह दोघांवर प्राणघातक हल्ला

शिवसेनाप्रमुख बाळासाहेब ठाकरे यांच्या स्मृतीदिनी त्यांना अभिवादन करण्यासाठी शिवसेना पक्षप्रमुख आणि मुख्यमंत्री उद्धव ठाकरे आज सकाळी 11.30 वाजता सहकुटुंब छत्रपती शिवाजी महाराज पार्कवरील शिवसेनाप्रमुख बाळासाहेब ठाकरे स्मृतीस्थळावर अभिवादन करण्यासाठी दाखल होतील. मुख्यमंत्री उद्धव ठाकरे, त्यांच्या पत्नी रश्मी ठाकरे आणि पर्यावरण मंत्री आदित्य ठाकरे साडेअकराच्या सुमारास शिवतीर्थावर येऊन आदरांजली वाहणार असल्याची माहिती सूत्रांनी दिली आहे. यावेळी शिवसेना नेते आणि मंत्रीही उपस्थित राहाणार आहेत. 

Balasaheb Thackeray death anniversary Deputy Chief Minister Ajit Pawar Tribute him


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Balasaheb Thackeray death anniversary Deputy Chief Minister Ajit Pawar Tribute him