नांदेड : जिल्हा कारागृहात वरिष्ठ व कनिष्ठ असा वाद पेटला असून कारागृह अधीक्षक आणि त्यांचे अधिनस्थ अधिकारी यांच्यात कार्यालयीन कामकाजप्रकरणी चांगलाच बेबनाव झाल्याचे घडलेल्या घटनेवरुन दिसुन येते. अधीक्षकांच्या शासकिय निवासस्थानी जावून त्यांच्या कुटुंबियांसह त्यांना अश्लिल शिवीगाळ करुन धमकी देणाऱ्या दोन तुरुंगाधिकारी व एका कर्मचाऱ्यांवर वजिराबाद पोलिस ठाण्यात गुन्हा ती. सहा डिसेंबर रोजी दाखल झाला आहे. या घटनेनंतर तुरुंगाधिकारी मात्र पोलिसांना अद्याप सापडले नाही. 

येथील जिल्हा कारागृहात अधीक्षक म्हणून रामराजे चांदणे कार्यरत आहेत. त्यांच्यात व तुरुंगाधिकारी व अन्य कर्मचाऱ्यामध्ये मागील काही दिवसांपासून कार्यालयीन कामकाजावरुन बेबनाव होत होता. हे एकमेकांना कैचीत पकडण्याची संधी साधुन होते. शेवटी संगनमत करुन तुरंगाधिकारी उत्तरेश्वर निवृत्ती गायकवा, किशोर महादेव वारके आणि कर्मचारी सचीन शंकरराव पिंगलवार यांनी ता. पाच डिसेंबरच्या रात्री दहाच्या सुमारास कारागृह अधीक्षक श्री. चांदणे हे आपल्या निवासस्थानी परिवारासोबत गप्पा करत बसले होते. 

हेही वाचा - सशस्त्र सेना ध्वजदिन निधी संकलनास भरभरुन योगदान द्यावे- डॉ. विपीन इटनकर -

यावेळी रात्री दहा वाजताच्या सुमारास कारागृहातील अधिकारी उत्तरेश्वर गायकवाड, किशोर वारके व शिपाई सचिन पिंगलवार हे तिघेजण मद्याच्या धुंदीत श्री.चांदणे यांच्या घरी जावून अश्लिल भाषेत शिविगाळ केली. एवढेच नाही तर त्यांना या तिघांनी धक्काबुक्की केली. त्यानंतर तेथून निघून गेले. हा प्रकार गंभीर असल्याने श्री. चांदणे यांनी वजिराबाद पोलिस ठाण्यात धाव घेतली. त्यांच्या तक्रारीवरुन पोलिसांनी वरील तिघांवर विविद कलमान्वये गुन्हा दाखल करण्यात आला. तपास पोलिस उपनिरीक्षक श्री. जाधव करत आहेत. या प्रकरणामुळे कारागृहातील कैद्यांमध्ये भितीचे वातावरण पसरले आहे.