वारणावती (सांगली) : शिराळा तालुक्‍यातील चांदोली धरण रविवारी 26 जानेवारी प्रजासत्ताक दिनी सुरक्षिततेच्या दृष्टिकोनातून पर्यटकांसाठी बंद राहणार असल्याचे धरण प्रशासनाने कळवले आहे.

चांदोली धरण 34.40 टिएमसी पाणी साठवण क्षमता असणारे महाराष्ट्रातील दुसऱ्या क्रमांकाचे मातीचे धरण आहे. सध्या धरणात 29.81 टिएमसी पाणीसाठा असुन, धरण 86.63 टक्के भरले आहे. दर गुरुवारी व शासकीय सुट्टी दिवशी धरण पाहण्याचा परवाना मिळणार नसल्याचे यावेळी सांगण्यात आले आहे. 

हेही वाचा- ओठांवर अकरा टाक्‍यांची शस्त्रक्रिया झाल्यानंतरही तो खेळतो फुटबॉल... -

चांदोली उद्यान सहा दिवस बंद 

वन्य प्राणी गणना होणार असल्याने चांदोली राष्ट्रीय उद्यान 27 जानेवारी ते 1 फेब्रुवारी या दरम्यान सहा दिवस बंद राहणार असल्याची माहिती वनक्षेत्रपाल गोविंद लंगोट व वनपाल डी. के. यमगर यांनी दिली. यावेळी ते म्हणाले, वन्यजीव प्राणीगणनेची तयारी पूर्ण झाली असूनण 27 ते 29 जानेवारी पर्यत बीटामध्ये, तर 30 जानेवारी ते 1 फेब्रुवारी या तीन दिवसांत ट्रानसेकेट लाईन पद्धतीने गणना करण्यात येणार आहे. 2 फेब्रुवारीपासून नेहमीप्रमाणे उद्यान पर्यटकांना खुले राहणार आहे. यावेळी वनपाल डी. बी. महाडिक उपस्थित होते