02730
सखी माहेर फौंडेशनतर्फे महिला मेळावा
गारगोटी : मुदाळ येथे महिलांना सक्षमीकरणाचे उपक्रम राबवून महिलांना स्वावलंबी व आत्मनिर्भर बनविण्यासाठी प्रयत्नशील राहीन, अशी ग्वाही सरपंच सौ. राजनंदिनी पाटील यांनी दिली. मुदाळ (ता. भुदरगड) येथे सखी माहेर फौंडेशनच्यावतीने आयोजित महिला स्नेहमेळाव्यात त्या बोलत होत्या. अध्यक्षस्थानी डॉ. स्नेहल कुलकर्णी होत्या. सौ. मायादेवी पाटील प्रमुख उपस्थित होत्या. पूजा पाटील यांनी प्रास्ताविक केले. उपसरपंच के. ए. पाटील, माजी सरपंच पांडुरंग पाटील, वसुंधरा पाटील, सदस्या तेजस्विनी पाटील, शोभा पाटील, शीतल पाटील, सुनीता पाटील, सारिका पाटील, रेश्मा केसरकरसह महिला बचत गटाच्या सदस्या उपस्थित होत्या. शरयू पाटील यांनी सूत्रसंचालन, माया पाटील यांनी आभार मानले.