डॉ. संतोष जेटीथोर यांचे व्याख्यान
कोल्हापूर, ता. २५  :  गोपाळ कृष्ण गोखले महाविद्यालयात छत्रपती शिवाजी महाराजांचा स्त्री विषयक दृष्टीकोन याविषयावरील प्रा.डॉ. संतोष जेटीथोर यांचे व्याख्यान झाले. अध्यक्षस्थानी प्राचार्य आर.बी. भुयेकर होते.  
डॉ. जेटीथोर म्हणले, ‘छत्रपती शिवरायांनी स्त्रियांबद्दल उदात्त धोरण राबवले. ओलीस ठेवलेल्या शत्रू पक्षातील स्त्रियांना सुरक्षित व सन्मानपूर्वक सोडले, स्वराज्यामध्ये स्त्री-पुरूष समानता हे धोरण अवलंबण्याचे अलौकिक कार्य केले.’ शिक्षण प्रसारक मंडळाचे सेक्रेटरी प्रा. जयकुमार देसाई, चेअरमन प्रा.डॉ. मंजिरी मोरे, पेट्रन कौन्सिल सदस्य दौलत देसाई, प्रशासन अधिकारी पृथ्वी मोरे यांचे मार्गदर्शन लाभले. उपप्राचार्य एन. टी. पाटील, पर्यवेक्षक एस.एन.मोरे, प्रा. पी. बी. झावरे, प्रा. डॉ. सी. पी. कुरणे, प्रा.डॉ. एम. के. पवार उपस्थित होते. स्वागत व प्रास्ताविक प्रा.डॉ. सी.पी. कुरणे यांनी केले. आभार प्रा. डॉ. डी. के. डाके यांनी मानले.