01324
वडगावच्या सरपंचपदी स्नेहा थोरात
सरुड, ता. २८ ः वडगाव (ता. शाहूवाडी) येथील ग्रामपंचायतीच्या सरपंचपदी स्नेहा सम्राटकुमार थोरात यांची बिनविरोध निवड झाली. नूतन सरपंच स्नेहा थोरात जि.प.च्या अर्थ व शिक्षण समितीचे माजी सभापती (कै.) गणपतराव थोरात यांच्या स्नुषा आहेत. यापूर्वीच्या सरपंच उषा थोरात यांनी ठरल्यानुसार सरपंचपदाचा राजीनामा दिल्याने या रिक्त पदावर ही निवड करण्यात आली. निवडीनंतर नूतन सरपंच स्नेहा थोरात यांचा मान्यवरांच्या हस्ते सत्कार करण्यात आला. यावेळी भाई भारत पाटील, समाधान दूध संघाचे संस्थापक अॅड. राहुल थोरात, प्रा. बी. के. पाटील, संग्रामसिंह थोरात, सम्राटकुमार थोरात, माजी सरपंच उषा थोरात, मानसिंग पाटील, धनाजी पाटील, जयसिंग पाटील, उपसरपंच शिवाजी वाघ, सदस्य सागर व्हावळे, नंदा पाटील, माधुरी गुरव, अॅड. प्रणवादित्य थोरात, अभिराज थोरात, मोहन वाघ, विशाल पाटील, विकास वडगावकर, ग्रामसेवक संदीप कांबळे आदी उपस्थित होते.