गांधीनगर (कोल्हापूर) : चारित्र्याचा संशय घेत, मुल होत नसल्याच्या कारणावरून पत्नीस मारहाण करत खोलीत डांबून ठेवून वारंवार मानसिक व शारीरिक छळ करणाऱ्या नागेश मलिशा हिरेमठ (मुळ रा. धामोड ता. राधानगरी, सध्या रा. वसगडे ता करवीर जि कोल्हापूर) याच्यावर सोमवारी गांधीनगर पोलीस ठाण्यात गुन्हा दाखल झाला.

नागेशची पत्नी कविता हिरेमठ (मूळ रा. धामोड, ता. राधानगरी, जि कोल्हापूर, सध्या रा. द्वारा शंकर शिवलिंग स्वामी, स्वामी गल्ली, कुपवाड, ता. मिरज, जि. सांगली) यांनी दिलेल्या फिर्यादीत म्हटले आहे की, 26 जून 2009 मध्ये लग्न झाल्यापासून पती नागेश हा चारित्र्याचा संशय घेत होता. खोलीत डांबून ठेवून शिवीगाळ करत मारहाण करत होता.

हे पण वाचा - ह्दयद्रावक : शनिवारी झाला वाढदिवस अन् रविवारी घेतला जगाचा निरोप; आर्मीत जायचे स्वप्न अधुरेच

मल्लिकार्जुन न्यासाची केस चालवण्यासाठी विश्वस्ताकडून नागेशने पत्नीमार्फत पाच लाख रुपये घेतले होते. त्याचा स्वतःच उपभोग घेऊन ती रक्कम पतीने परत दिली नाही. याबाबत विचारले असता बेल्ट व बुटाने मारहाण करत छळ करत होता. 2009 मध्ये लग्न झाल्यापासून 15 नोव्हेंबर 2020 पर्यंत वेळोवेळी व वारंवार हा छळ सुरू होता. भांडणे, मारहाण करून पत्नीला नागेशने माहेरी पाठवले. अखेर पत्नी कविताने त्रासास कंटाळून फिर्याद दिली. याबाबत गांधीनगर पोलीस ठाण्यात नागेशवर गुन्हा दाखल करण्यात आला आहे.

संपादन - धनाजी सुर्वे