इंदोरी, ता. ९ ः मुख्यमंत्री समृद्ध पंचायतराज अभियान अंतर्गत मावळशक्ती इनरव्हील क्लब व निगडी प्राइड इनरव्हील क्लब आणि मायमर मेडिकल कॉलेज यांच्या वतीने इंदोरी येथील जिल्हा परिषद प्राथमिक शाळा व अंगणवाडीतील सुमारे पाचशे विद्यार्थ्यांची मोफत आरोग्य तपासणी व औषध वाटप वाटप करण्यात आले. डॉ. दर्पण महेशगौरी यांच्या सहकाऱ्यांनी आरोग्य तपासणी केली. तपासणीत हृदयरोगाचे संशयित चार तर कमी हिमोग्लोबिनचे सात विद्यार्थी आढळून आले. सर्व विद्यार्थ्यांना खाऊ वाटप करण्यात आला. शिबिरास सहगटविकास अधिकारी सेवक थोरात यांच्या हस्ते व ज्योती राजिवडे व डॉ. कमलजित कौर दुल्लत यांच्या प्रमुख उपस्थितीत प्रारंभ झाला. सरपंच शशिकांत शिंदे, भरत राजिवडे, सरोजिनी गावडे, राजश्री नाईकरे, पुष्पा घोजगे उपस्थित होते.