निगडी, ता.८ ः तळवडे, रुपीनगर येथे भारतीय उद्यमिता विकास संस्था (ईडीआयआय) व महिला आर्थिक विकास महामंडळ यांच्या सहकार्याने महिलांसाठी सूक्ष्म कौशल्य रोजगार विकास कार्यक्रम (एमएसडीपी) अंतर्गत कृषी बाजारपेठ व अन्न प्रक्रिया उत्पादनांवर प्रशिक्षण वर्ग घेण्यात आला.
कार्यक्रमाच्या समारोपावेळी ईडीआयआयचे व्यवस्थापक भगवान हरकळ, महिला आर्थिक विकास महामंडळाच्या विभाग समन्वयक ज्योती हेलवे, मुख्य प्रशिक्षक अमृता गोडसे, शीतल वर्णेकर आदींच्या हस्ते सहभागी महिलांना प्रमाणपत्रे देण्यात आली. या कार्यक्रमामधून महिलांना व्यवसाय नियोजन, वित्त व्यवस्थापन, विपणन कौशल्य, गुणवत्ता नियंत्रण, अन्न प्रक्रिया तंत्रज्ञानाचे मार्गदर्शन करण्यात आले.