पिंपरी, ता.११ ः निवडणूक विषयक पुढील प्रक्रिया आणि उमेदवारांनी करावयाच्या आवश्यक बाबींची माहिती देण्यासाठी आज (ता.११) बैठक पार पडली. थेरगाव निवडणूक निर्णय अधिकारी कार्यालयात निवडणूक निरीक्षक एस.सत्यनारायण, निवडणूक पोलिस निरीक्षक अनिल किशोर यादव यांच्या प्रमुख उपस्थितीत आज जिल्हा निवडणूक अधिकारी डॉ. राजेश देशमुख यांच्या अध्यक्षतेखाली बैठक झाली.

निवडणूक निर्णय अधिकारी सचिन ढोले यांनी उमेदवाराने ठेवायच्या दैनंदिन खर्चाच्या पद्धती, स्ट्रॉंग रूमची तयारी, ईव्हीएम यंत्र व्यवस्थापन, आदी विविध विषयांची माहिती दिली. बैठकीस सहायक निवडणूक निर्णय अधिकारी अजित पाटील, शीतल वाकडे, शिरीष पोरेडी, निवडणूक सहाय्यक तथा तहसीलदार नागेश गायकवाड, सहायक पोलिस आयुक्त प्रशांत अमृतकर, निवडणूक कक्ष अधिकारी प्रशांत शिंपी, आचारसंहिता कक्षाचे प्रमुख आबासाहेब ढवळे, माध्यम कक्षाचे नोडल अधिकारी किरण गायकवाड, ईव्हीएम यंत्र व्यवस्थापन कक्षाचे समन्वयक बापू गायकवाड, पोस्टल मतदान कक्षाचे समन्वयक राजेश आगळे उपस्थित होते.
--
उमेदवारांसाठी माहिती
- ईव्हीएम यंत्र स्थलांतरित करताना तेथे उपस्थित राहता येईल
- ईव्हीएम यंत्र व्यवस्थापनाची सर्व प्रक्रिया पूर्व सूचना देवूनच केली जाईल
- मतदान यंत्राची सरमिसळ करताना उपस्थित राहता येईल.
- उमेदवारांना कोणतीही अडचण येणार नाही यासाठी निवडणूक निर्णय अधिकारी कार्यालयात विविध कक्ष स्थापन
- तेथे सुविधा उपलब्ध
- उमेदवाराने स्वतंत्र प्रतिनिधी नेमून दैनंदिन अहवाल निवडणूक खर्च कक्षाकडे सादर करावा.