पिंपरी, ता. २१ ः ‘आम्ही भारताचे सुजाण नागरिक शपथ घेतो की, आम्ही या भारत मातेला या वसुंधरेला स्वच्छ व सुंदर ठेवण्यासाठी प्रयत्न करू. या वसुंधरेला, या पर्यावरणाला आमच्या पासून कोणतीही हानी होणार नाही याची दक्षता घेऊ. आम्ही या देशाला सुजलाम् सुफलाम् करण्यासाठी कटिबद्ध राहू व आमच्याकडून पर्यावरणाला त्रास होईल, असे कोणतेही काम आम्ही करणार नाही. जास्तीत जास्त झाडे लावून या देशाला, या वसुंधरेला स्वच्छ, सुंदर, प्रदूषणमुक्त आणि सुजलाम्-सुफलाम् करण्यासाठी प्रयत्न करू, या आपल्या वसुंधरेची काळजी घेण्यासाठी आम्ही एकत्र येऊन काम करू,’ अशी हरित शपथ शहरातील नागरिकांनी महापालिका प्रशासक शेखर सिंह यांच्या उपस्थितीत घेतली. निगडीतील भक्ती-शक्ती चौकात कार्यक्रम झाला. स्वच्छ सर्व्हेक्षण अंतर्गत स्वच्छता जनजागृती पथनाट्य सादर केले. ‘आपले शहर, स्वच्छ आणि सुंदर शहर’ अशा घोषणा दिल्या. शपथेचे वाचन प्रफुल्ल पुराणिक यांनी केले.