मुंबई-पुणे मार्गावर बीआरटी मध्ये मेट्रोचे काम सुरू असल्याने बसेस सध्या मुख्य रस्त्यावरून जात आहेत. मात्र, त्यांचे थांबे कुठे आहेत हे प्रवाशांना स्पष्ट होत नाही, ज्यामुळे त्यांना अडचणी येत आहेत. त्यामुळे परिवहन मंडळाने तात्पुरते बसथांबे फलकासहित उभारावे.
- रमेश देव, चिंचवड

देहूगाव-तळवडे रस्त्याचे रुंदीकरण आवश्यक
रस्ते दुरुस्तीचे पर्व सुरू होणार असे वाटत आहे, मात्र गेल्या ४० वर्षांत देहूगाव ते तळवडे हा १-२ किमीचा रस्ता दोन-तीन वेळा टेंडर करूनही १०० फूट रुंद रस्ता होऊ शकला नाही. देहूची लोकसंख्या ४० वर्षांत ४० हजाराने वाढली, तसेच रस्त्यावरून जाणारी वाहने हजारोंनी वाढली, तरीही हा रस्ता अजूनही अपुरा आहे. पूर्वीही बातम्या प्रसिद्ध झाल्या, पण प्रत्यक्ष कारवाई झाली नाही. चाकण एमआयडीसीकडे जाणाऱ्या वाहनांमुळे वाहतूक कोंडी होते. तसेच देहू गेट ते तळवडे गेटच्या मार्गावर मंडई आणि मोठ्या शाळा आहेत. देहू-आळंदी मार्गावर वारकरी दिंड्या आणि जड वाहने मोठ्या प्रमाणात ये-जा करत असतात. त्यामुळे हा रस्ता तातडीने सिमेंट काँक्रीट १०० फूट रुंद केला जाणे आवश्यक आहे.
- रोहित जाधव, देहूगाव
---