पिंपरी, ता. ११ : एका तरुणीचे इंस्टाग्रामवरून छायाचित्र घेत ‘एआय’वर एडिट करून त्यातील पोशाख बदलून अश्लील छायाचित्र तयार केले. ते तरुणीसह इतरांना पाठवून तिची बदनामी केली. या प्रकरणी बावधन पोलिसांनी एका तरुणाला रायगड येथून अटक केली आहे.
चिराग थापा (वय २८, रा. विरार ईस्ट) असे अटक केलेल्या आरोपीचे नाव आहे. या प्रकरणी एमबीएचे शिक्षण घेणाऱ्या तरुणीने पोलिसात फिर्याद दिली आहे. आरोपीने इंस्टाग्राम अकाऊंटवरून तरुणीचे फोटो घेऊन त्यामध्ये छेडछाड केली. या तरुणीच्या मैत्रिणीचेही छायाचित्र एडिट करून समाज माध्यमांवर प्रसारित करण्याची धमकी दिली. या आरोपीला सोमवारपर्यंत (ता. १३) पोलिस कोठडी सुनावली आहे.