सोमाटणे, ता. ८ : गहुंजे येथे मावळ तालुकास्तरीय बुद्धिबळ स्पर्धा आयोजित करण्यात आली. यात ५२० जणांनी सहभाग घेतला. यातील तीस जणांची जिल्हास्तरीय स्पर्धेसाठी निवड झाली आहे. ब्लूमिंग स्कूल गहुंजे येथे या स्पर्धा नुकत्याच घेण्यात आल्या. स्पर्धेचे उद्घाटन तालुका क्रीडा अधिकारी सुरेश काकडे यांच्या हस्ते व साहेबराव बोडके, दीपक बोडके, विजिला राजकुमार, मनोज स्वामी, रशीद इनामदार, समीर इनामदार, महादेव माळी यांच्या उपस्थितीत झाले. या स्पर्धेत तालुक्यातील विविध शाळांतून विविध गटांतील ५२० विद्यार्थी सहभागी झाले.