पिंपरी, ता. १३ : बेकायदा पिस्तुले बाळगणाऱ्या तीन सराईत गुन्हेगारांना पोलिसांच्या गुन्हे शाखा युनिट दोनने अटक केली. त्यांच्याकडून दोन लाख पाच हजार रुपये किमतीची चार पिस्तुले आणि पाच काडतुसे जप्त केली. ही कारवाई बोडकेवाडी फाटा, हिंजवडी-माण रोडवर करण्यात आली.
प्रवीण गुंडेश्वर अंकुश (रा. कात्रज, पुणे), विकी दीपक चव्हाण (रा. हिंजवडी फेज दोन, पुणे), आणि रोहित फुलचंद भालशंकर (रा. जाधवनगर, वडगाव बुद्रूक, पुणे) अशी अटक केलेल्या आरोपींची नावे आहेत. पोलिसांनी सापळा रचून त्यांना ताब्यात घेतले. अंकुश याच्यावर घाटकोपर पोलिस ठाण्यात, चव्हाण याच्यावर हिंजवडी ठाण्यात; तर भालशंकर याच्यावर हिंजवडी, खडक व शिरूर पोलिस ठाण्यात गुन्हे दाखल आहेत.