पोलिसांना सर्वाधिकार द्यावेत

निगडी प्राधिकरणातील घरात घुसून सशस्त्र दरोडा घालण्याचा केलेला प्रयत्न कायदा आणि सुव्यवस्थेवर गंभीर प्रश्न निर्माण करणारा आहे. घटनेमुळे पोलिस खात्यावरही सवाल होणे साहजिक आहे. सध्या असा एकही दिवस गेला नाही, ज्यादिवशी महाराष्ट्रात कोठेही दुर्घटना, चोरी, खून, बलात्कार, हाणामाऱ्या, आंदोलने, मोर्चे झाले नाहीत. लोकप्रतिनिधी विधानसभा प्रांगणात एकमेकांना लाथाबुक्यांचा प्रसाद देतात आणि राज्य सरकारही डोळ्यांवर पांघरून घेऊत बसले आहे. ही सगळी परिस्थिती कायद्याचा आदर करणाऱ्या समाजासाठी धोकादायक आहे. त्यासाठी पोलिसांना तपास, कायदेशीर कारवाईचे संपूर्ण स्वातंत्र्य आणि सर्वाधिकार दिले पाहिजेत. यावर कठोर उपाययोजना केल्या नाहीत, तर परिस्थिती हाताबाहेर जाईल. गुन्हेगारांचे मनोधैर्य दिवसेंदिवस वाढत जाईल. याची गंभीर दखल घेणे आवश्यक आहे.
- शिवराम वैद्य, निगडी