पिंपरी, ता. २१ : नेहरूनगर न्यायालयातील वकिलांसाठी आरोग्य तपासणी शिबिराचे आयोजन करण्यात आले. पिंपरी-चिंचवड अ‍ॅडव्होकेट असोसिएशन आणि आदित्य बिर्ला हॉस्पिटल यांच्यातर्फे हे आयोजन करण्यात आले.
शिबिरात वकिलांना हृदयविकार, डोळ्यांचे आरोग्य, रक्तदाब, मधुमेह, व इतर शारीरिक समस्यांबाबत मार्गदर्शन केले. वेळोवेळी आरोग्य तपासणीचे, डोळ्यांची तपासणी, योग्य चष्मा कसा निवडावा, आहारातील योग्य सवयी, रोजचा व्यायाम व मानसिक आरोग्याचे महत्त्व यावर विशेष भर देण्यात आला. यावेळी माजी अध्यक्ष नारायण रसाळ, ॲड. अरुण खरात, ॲड. कांता गोरडे, ॲड. गोमती मेहता, ॲड. पूनम प्रधान, डॉ. सुमीत सूत्रवे, डॉ. शैलेंद्र मलखेडे, ॲड. सविता तोडकर, ॲड. सुप्रिया मलशेट्टी आदी उपस्थित होते. कार्यक्रमाचे आयोजन ॲड. पांडुरंग शिनगारे, ॲड. प्रेरणा चंदवाणी यांनी केले. सूत्रसंचालन ॲड. संदीप तापकीर यांनी केले.