बालेवाडी - औंध बाणेर क्षेत्रीय कार्यालय प्रभाग क्र. ९ मधील सुतारवाडी आरोग्य कोठी अंतर्गत अतिरिक्त आयुक्त कुणाल खेमणार यांच्या सूचनेनुसार व महापालिका सहाय्यक आयुक्त गिरीश दापकेकर यांच्या मार्गदर्शनाखाली सुतारवाडी हद्दीतील मुंबई बंगळूर महामार्गाच्या दोन्ही बाजूची स्वच्छता करण्यात आली. तसेच अस्वछता पसरवणाऱ्या नागरिकांवर ८००० रुपये दंडात्मक कारवाई करण्यात आली.

प्रभाग क्र. ९ येथे (ता. ६ व ७ फेब्रुवारी) रोजी सुतारवाडी आरोग्य कोठी अंतर्गत अतिरिक्त आयुक्त कुणाल खेमणार यांच्या सूचनेनुसार व महापालिका सहाय्यक आयुक्त गिरीश दापकेकर यांच्या मार्गदर्शनाखाली सुतारवाडी हद्दीतील मुंबई बंगळूर महामार्गाच्या दोन्ही बाजूची स्वच्छता करण्यात आली.

यामध्ये औंध बाणेर क्षेत्रीय कार्यालया अंतर्गत सर्व कोठीवरील एकूण १५० सफाई सेवकांनी मिळून या भागातील २६ टन सुका कचरा गोळा करून ६ कंटेनर ,५ कॉम्पॅक्टर भरून कचरा गोळा करून हा परिसर स्वच्छ करण्यात आला. तसेच, अस्वच्छता पसरविणाऱ्या नागरीकांवर ८००० रुपये दंडात्मक कारवाई करण्यात आली. यावेळी जेसिबी, हायवाच्या मदतीने राडारोडा उचलण्यात आला. सदर उपक्रमावेळी वरिष्ठ आरोग्य निरीक्षक, सर्व आरोग्य निरीक्षक, मोकादम, सफाई सेवक, अतिक्रमण निरीक्षक उपस्थित होते.