पुणे : राज्यातील महाविकास आघाडी सरकारबद्दल उपमुख्यमंत्री अजित पवार (AJit Pawar) यांनी मोठे विधान केले आहे. सोनिया गांधी, शरद पवार आणि उद्धव ठाकरेंनी हे सरकार पाच वर्षे पूर्ण करण्याचे ठरवलेले आहे, त्यामुळे तोवर या सरकारला काही होणार नाही. (Mahavikas Aghadi Government) अधिवेशनाच्या आधी बरीच विधाने केली गेल्याचे सांगत तारखादेखील जाहीर केल्या होत्या. मात्र, अजित पवारांच्या या विधानानंतर भाजपाकडून (BJP) गेल्या काही दिवसांपासून राज्य सरकार पडणार पडणार या विधानांवर पाणी फेरले गेले आहे. ते पुण्यात आयोजित कालवा बैठकीत बोलत होते.

यावेळी अजित पवार म्हणाले की, युक्रेन रशिया यांच्या सध्या सुरू असलेल्या युद्धजन्य परिस्थितीमुळे पेट्रोल डिझेलच्या (Petrol Price) किंमतीत आणखी वाढणार होणार आहे.आत्ताच्या तुलनेत पेट्रोल डिझेलच्या किमतीत आणखी वाढ होणार असल्याचे देखील अजित पवार यांनी सांगितले. पाच राज्यांच्या निवडणुकांचे निकाल जाहीर झाल्यानंतर पेट्रोल डिझेलच्या दरांमध्ये पुन्हा एकदा वाढ होण्यास सुरूवात झाली आहे. त्यामुळे सर्वसामान्य नागरिक हवालदिल झाला आहे.

पुण्यात वाढती गुन्हेगारी

दरम्यान, पुण्यातील वाढत्या गुन्हेगारींच्या (Crime In Pune) घटनांबद्दल बोलताना अजित पवार म्हणाले की, पोलीस अधिक्षक अभिनव देशमुखांनादेखील वाढत्या गुन्हेगारींच्या घटनांबद्दल सांगितले असून,पोलीस आयुक्तांशीदेखील सांगणार असल्याचे ते म्हणाले. तसेच पुण्यातल वाढत्या गुन्हेगारी घटनांबद्दल गृहमंत्री वळसे पाटील यांच्याशीदेखील चर्चा केली आहे. सरकार पोलिसांच्या अडचणी सोडवतोय तर, त्यांनी कायदा सुव्यवस्था चोख ठेवली पाहिजे असे ते म्हणाले. (Ajit Pawar Latest News In Marathi)