दहिवडीत सोमवारपासून
आंतरराष्ट्रीय अधिवेशन

दहिवडी, ता. १६ : दहिवडी कॉलेजमध्ये प्रधानमंत्री उच्चतर शिक्षा अभियान योजनेंतर्गत वाणिज्य व व्यवस्थापन विभाग, बीसीए व कॉम्प्युटर सायन्स या विभागाच्या वतीने एआयबाबत १९ जानेवारी ते २१ जानेवारी यादरम्यान तीन दिवसीय आंतरराष्ट्रीय अधिवेशनाचे आयोजन करण्यात आले आहे.
रयतच्या मॅनेजिंग कौन्सिलचे सदस्य प्रभाकर देशमुख यांच्या अध्यक्षतेखाली होणाऱ्या अधिवेशनाचे बीजभाषक म्हणून वाईच्या किसन वीर महाविद्यालयाचे प्राचार्य डॉ. गुरुनाथ फगरे आणि प्रमुख पाहुणे म्हणून सातारा येथील कर्मवीर भाऊराव पाटील इन्स्टिट्यूट ऑफ मॅनेजमेंट स्टडीज ॲण्ड रिसर्चचे डॉ. सारंग भोला उपस्थित राहणार आहेत. देश-विदेशातील अनेक मान्यवर मार्गदर्शन करणार असून, अभ्यासक, संशोधक विद्यार्थी उपस्थित राहणार आहेत.
..... पुर्ण......