पुणे - महाराष्ट्रीय कलोपासक व नाट्य संस्कार कला अकादमीच्या वतीने ‘भालबा केळकर करंडक’ या नाटिका स्पर्धेचे आयोजन करण्यात आले होते. या स्पर्धेत वारज्याच्या आर्यन्स वर्ल्ड स्कूलने सादर केलेल्या ‘दंतकथा’ या नाटिकेने प्रथम क्रमांकाचा भालबा केळकर करंडक पटकावला, तर नावीन्यपूर्ण व कल्पक सादरीकरणासाठी दिल्या जाणाऱ्या नानासाहेब शिरगोपीकर करंडकावर टॅंगी ट्विस्टर बॉक्‍स ऑफ परफॉर्मिंग आर्ट्‌सच्या ‘पिनू’ने आपले नाव कोरले.

ताज्या बातम्यांसाठी डाऊनलोड करा ई-सकाळचे ऍप

शुक्रवार (ता. १०) ते रविवार (ता. १२) या कालावधीत ही स्पर्धा भरत नाट्य मंदिरात झाली. यामध्ये पुणे व परिसरातील २७ शाळांनी सहभाग घेतला होता. रवींद्र सातपुते, आश्‍लेषा महाजन आणि प्रसाद भडसावळे यांनी स्पर्धेचे परीक्षण केले. या स्पर्धेचा पारितोषिक वितरण समारंभ गुरुवारी (ता. १६) सायंकाळी पाच वाजता भरत नाट्य मंदिर येथे प्रसिद्ध बालसाहित्यिक अनिल अवचट यांच्या हस्ते झाला. 

स्पर्धेत द्वितीय क्रमांक पटकावलेल्या कात्रज येथील आर्यन्स वर्ल्ड स्कूलने सादर केलेल्या ‘पक्ष्यांचे कविसंमेलन’ या नाटकाला कृष्णदेव मुळगुंद करंडक, तृतीय क्रमांकावरील शिशू विहार प्राथमिक शाळेला राजाभाऊ नातू करंडक व इतर शाळांना विविध पुरस्कार 
देण्यात आले.