पिंपरी : पिंपरी स्त्रीजातीचे नवजात अर्भक सापडल्याचा धक्कादायक प्रकार समोर आला आहे. लघुशंकेसाठी गेलेल्या एकास साप वळवळत असल्याची शंका आली. तपासून पाहिले असता नवजात अर्भक असल्याचे आढळले. मोशी जवळील इंद्रायणी नदीच्या किनाऱ्याजवळ मंगळवारी सकाळी ही घटना घडली.

आयआरबीचा कर्मचारी लघुशंकेसाठी गेला असता त्यास प्लॅस्टिक पिशवीमध्ये वळवळ होताना दिसली. त्या पिशवीत साप असावा, अशी शंका त्यास आली. केवढा साप आहे हे पाहण्यासाठी तो पिशवी जवळ गेला असता त्यास स्त्री जातीचे एक ते दोन दिवसाचे अर्भक आढळून आले. त्या अर्भकास साडीच्या कपड्यात गुंडाळून प्लास्टिक पिशवीत ठेवल्याचे दिसून आहे.
 

 याबाबत कर्मचाऱ्याने चाकण पोलिसांना माहिती दिली. अर्भकास पुण्यातील ससून रुग्णालयात दाखल केले आहे.