पुणे : पुणे जिल्ह्यातील घाट माथ्यावर काही ठिकाणी जोरदार पावसाचा तर तुरळक भागांमध्ये मुसळधार पावसाचा इशारा भारतीय हवामान खात्याने दिला. दरम्यान शहर व परिसरात मंगळवारी (ता.18) सकाळपासून पावसाच्या हलक्या ते मध्यम सरी बरसल्या. 

शहरातील बहुतांश भागांमध्ये सकाळी पावसाचा लपंडाव सुरू होता, मात्र ढगाळ वातावरण कायमच असून पुढील चार दिवस जिल्ह्यातील घाट माथ्यावर जोरदार पावसाचा इशारा देण्यात आला आहे. त्यामुळे पुणेकरांनी शक्यतो घाट भाग टाळावे. तर सतत हलक्या ते मध्यम स्वरूपाच्या पावसामुळे आता धरणातील पाण्यातही वाढ होत आहे. 

मोठी बातमी : 'या' पाच प्रभागांतील निम्म्या पुणेकरांना कोरोनाची लागण; सर्व्हेतून पुढे आली माहिती!

ऑगस्ट महिन्यात राज्यात बहुतांश ठिकाणी पावसाने हजेरी लावली. तर पुणे व सातारा या भागांत काल रेड अलर्ट जाहीर करण्यात आला होता. दरम्यान मंगळवारी सकलपर्यंतच्या 24 तासांमध्ये शिवाजीनगर 2.1 मिलिमीटर, लोहगाव 1 मिलिमीटर आणि पाषाणमध्ये 2.2 मिलिमीटर इतक्या पावसाची नोंद झाली. 
 

- गणेशोत्सवात 'या' चार दिवशी ध्वनीवर्धक रात्री बारापर्यंत सुरू राहणार; पुणे पोलिसांनी केले जाहीर!​