माळशिरस : रस्ता वाहून गेल्याने ग्रामस्थांची होणारी गैरसोय लक्षात आल्याने आमदारांनी लगेच रस्ता दुरूस्त करून देण्यासाठी जेसीबी पाठविले. यामुळे परिसरातून आमदारांचे कौतुक होत आहे.

ताज्या बातम्यांसाठी डाऊनलोड करा ई-सकाळचे ऍप

वाघापूर येथे चार दिवसांपूर्वी झालेल्या ढगफुटीमुळे येथील कड वस्तीला गावाला जोडणारा रस्ता ओढ्याच्या ठिकाणी पूर्ण वाहून गेला होता. यामुळे नागरिकांची गैरसोय होत होती. आमदार संजय जगताप यांनी परवा प्रत्यक्ष पाहिल्यानंतर काल त्वरित त्यांनी या ठिकाणी पाईप व जेसीबी पाठवून रस्त्याचे काम सुरू केले. यामुळे येथील नागरिकांनी समाधान व्यक्त केले.

महाराष्ट्रातील बातम्या वाचण्यासाठी येथे ► क्लिक करा 

वाघापूर, राजेवाडी परिसरात रविवारी चारच्या सुमारास ढगफुटी होऊन जोरात पाऊस झाला. यामुळे येथील शेतांचे मोठ्या प्रमाणावर नुकसान झाले. अनेक नाले बंधारे फुटल्याने वाघापूर गावाच्या उत्तरेला असणारया ओढ्याला मोठा पूर आल्याने गावाला लागून असणारया कड वस्तीला जोडणारा ओढ्यावरील सर्व रस्ता वाहून गेला.

पुण्याच्या बातम्या वाचण्यासाठी येथे ► क्लिक करा

दरम्यान, यामुळे नागरिकांची मोठ्या प्रमाणावर गैरसोय झाली होती. आमदार जगताप यांनी सोमवारी याची प्रत्यक्ष पाहिल्यानंतर नागरिकांना तातडीने रस्ता वाहतुकीचे योग्य करून नागरिकांची गैरसोय दूर करू असें आश्वासन दिले होते. त्यानुसार त्यांनी काल तातडीने या ठिकाणी ओढ्यावरील पाणी जाण्यासाठी मोठे पाईप टाकून स्वत जेसीबी पाठवून रस्त्याचे काम सुरू केले. आमदारांच्या या तत्परतेने नागरिकांची गैरसोय दूर झाल्याने नागरिकांनी समाधान व्यक्त केले. 

(संपादन : सागर डी. शेलार)