पुणे : जिल्ह्यातून अन्य राज्यात अथवा महाराष्ट्रातील इतर जिल्ह्यामध्ये जाणारे मजूर, विद्यार्थी, यात्रेकरू आणि अन्य व्यक्ती यांनी covid19.mhpolice.in या लिंकवर ऑनलाईन पद्धतीने अर्ज करावा.

पुणे पोलिस आयुक्त आणि पिंपरी-चिंचवड पोलिस आयुक्त यांच्या हद्दीतील अर्जावर संबंधित आयुक्तालयातील नोडल अधिकारी तथा पोलिस उपायुक्त निर्णय घेतील, अशी माहिती जिल्हाधिकारी नवल किशोर राम यांनी दिली.

- ताज्या बातम्यांसाठी डाऊनलोड करा ई-सकाळचे ऍप

असा निर्णय घेताना मजूर, विद्यार्थी, यात्रेकरु व अन्य व्यक्ती यांची यादी पोलिस उपायुक्त, जिल्हाधिकारी यांच्यामार्फत ते ज्या जिल्हयात अथवा राज्यात जाणार आहेत तेथील जिल्हाधिकारी यांची परवानगी प्राप्त करुन घेतील. त्यानंतरच पास देण्यात येईल.
राज्य सरकारच्या निर्णयानुसार विस्थापित कामगार, यात्रेकरु, पर्यटक, विद्यार्थी  व इतर व्यक्ती यांचे प्रवासाकरीता आदेश जारी केले आहेत. या आदेशानुसार व्यक्तींची प्रवास व्यवस्था व त्याचे नियोजन करण्यात आली आहे. त्यासाठी नोडल अधिकाऱ्यांची नियुक्ती करण्यात आली आहे. 

- 'मुझे मेरे गांव जाना है, लेकिन...'; परप्रांतीय कामगारांची जिल्हाधिकारी कार्यालयासमोर उसळली गर्दी!

पुणे जिल्ह्यातील ग्रामीण क्षेत्रातील इतर जिल्ह्यात, राज्यांमध्ये जाणाऱ्या मजूर, विद्यार्थी, यात्रेकरु व अन्य व्यक्ती यांची यादी संबंधित तहसिलदार करतील. ते ज्या जिल्हयांमध्ये जाणार असतील तेथील जिल्हाधिकारी यांची परवानगी जिल्हाधिकारी, पुणे यांचेमार्फत घेतील. जोपर्यंत मजूर, विद्यार्थी, यात्रेकरु व अन्य व्यक्ती यांना ते ज्या जिल्ह्यात जाणार आहेत, तेथील जिल्हाधिकारी यांची परवानगी प्राप्त झाल्याशिवाय त्यांना पास दिला जाणार नाही.

- पुणेकरांना दिलासा देणारी बातमी; कोरोनामुक्त होऊन घरी परतणाऱ्यांची संख्या वाढली!

कोरोना विषाणूचे कोणतेही लक्षणे नसल्याबाबतचे प्रमाणपत्र घेऊन लिंकवर अपलोड करणे अनिवार्य आहे. नागरिकांना लिंकवर माहिती भरण्यामध्ये काही अडचणी असतील तर त्यांनी ग्रामीण भागासाठी दूरध्वनी अथवा ई मेल द्वारे संपर्क साधावा.

- Coronavirus : कोरोना झालाय म्हणून पसरवली अफवा अन् मग त्या दांपत्याला...

याकरीता नोडल अधिकारी म्हणून उपजिल्हाधिकारी सुभाष भागडे (020-26111061 / 26123371) यांच्याकडे स्थलांतरीत कामगार (परराज्यात, जिल्ह्यात जाणारे), उपजिल्हाधिकारी श्रीमंत पाटोळे ( 020-26111061/26123371) यांच्याकडे स्थलांतरीत कामगार (परराज्यात, जिल्ह्यात येणारे), उपजिल्हाधिकारी नीता सावंत-शिंदे (020-26111061/26123371) यांच्याकडे विद्यार्थी, यात्रेकरु, पर्यटक (परराज्यात, जिल्ह्यात जाणारे), उपजिल्हाधिकारी स्वागत शाखा, अमृत नाटेकर (020-26111061/26123371) यांच्याकडे विद्यार्थी, यात्रेकरु, पर्यटक (परराज्यात/ जिल्ह्यात येणारे) यांची नियुक्ती करण्यात आली आहे.

- पुण्याच्या बातम्या वाचण्यासाठी येथे ► क्लिक करा