विश्रांतवाडी (पुणे) : बहिणीशी प्रेमसंबंध असल्याच्या रागातून भावाने आणि त्याच्या मित्रांनी तरुणाला लोखंडी रॉडने बेदम मारहाण केली. डोक्यात कोयत्याने सपासप वार करून जीवे मारण्याचा प्रयत्न केला. मुलाला वाचविण्यासाठी आलेल्या त्याच्या आईलाही रॉडने मारहाण केली. या प्रकरणी विश्रांतवाडी पोलिसांनी चार जणांना अटक केली आहे.

राजू गौतम भिसे (वय 15, राज भैरवनगर, धानोरी) असे मारहाणीत गंभीर झालेल्या तरुणाचे नाव आहे. या प्रकरणी तरुणाची आई सुनीता भिसे (वय 47) यांनी फिर्याद दिली आहे. प्रतीक ओव्हाळ (वय 23), सुनील ओहाळ (50), आशिष मोरे (22) आणि जीवन परियार (वय 24, रा. सर्व धानोरी) अशी अटक केलेल्या आरोपींची नावे आहेत.

- Video: बायकोला किस करायची पण पंचाईत झालीय; बड्या नेत्याचं भर सभेत वक्तव्य​

पोलिसांनी दिलेल्या माहितीनुसार, प्रतीक ओव्हाळ याच्या बहिणीशी जखमी राजू भिसे याचे प्रेमसंबंध होते. हा प्रकार तिच्या भावाला मान्य नव्हता. यामुळे अनेक दिवसांपासून तो राजूवर चिडून होता. यावरून गेल्या वर्षीही प्रतीक ओव्हाळ आणि त्याचा मित्र आशिष मोरे यांनी राजूला शिवीगाळ करून मारहाण केली होती.

- पार्टनरशिपचं आमिष दाखवलं अन् पुणेकराला दोन मुंबईकरांनी लुटलं!​

यासंदर्भात विश्रांतवाडी पोलीस ठाण्याचे वरिष्ठ पोलीस निरीक्षक अजय चांदखेडे म्हणाले की, तरुणाला कोयत्याने मारहाण करून जीवे मारण्याचा प्रयत्न केल्याप्रकरणी चार आरोपींना अटक केली आहे. त्यांना न्यायालयासमोर हजर केले असून चार दिवसांची पोलीस कोठडी सुनावण्यात आली आहे.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)