किरकटवाडी (पुणे) : नांदेड (ता. हवेली) या ग्रामपंचायतीच्या माध्यमातून जयप्रकाश नारायण नगर वसाहतीचे ओढ्याला येणाऱ्या पुराच्या पाण्यापासून संरक्षण करण्यासाठी सुमारे 525 फूट लांब व दहा फूट उंच सिमेंट काँक्रीटची संरक्षक भिंत उभारली जात आहे. लॉकडाउन शिथिल करण्यात आल्यानंतर भिंत उभारण्याच्या कामाने वेग घेतला आहे.

'शरद पवारांबाबतच्या 'त्या' वक्तव्यावरून गोपीचंद पडळकर यांनी तात्काळ माफी मागावी'​

 सिंहगड रस्त्याला लागून असलेल्या नांदेड ग्रामपंचायतीच्या हद्दीतील जयप्रकाश नारायण नगर येथील जवळपास शंभर झोपड्यांमध्ये व काही घरांमध्ये मागील वर्षी 25 सप्टेंबर 2019 रोजी आलेल्या महापुराचे पाणी शिरून खूप मोठे नुकसान झाले होते. अनेक नागरिकांचे संसारोपयोगी साहित्य त्यावेळी वाहून गेले होते. पुन्हा अशी परिस्थिती उद्भवू नये म्हणून नांदेड ग्रामपंचायतीच्या माध्यमातून सदर वस्तीचे ओढ्याच्या पाण्यापासून संरक्षण व्हावे म्हणून सिमेंट काँक्रीटची संरक्षक भिंत उभारली जात आहे. नांदेड ग्रामपंचायतीचे ग्रामविकास अधिकारी नवनाथ झोळ, ग्रामस्थ नितीश लगड यांनी सुरू असलेल्या कामाची पाहणी केली व संबंधित ठेकेदाराला लवकरात लवकर काम पूर्ण करून घेण्यास सांगण्यात आले.

पुण्याच्या बातम्या वाचण्यासाठी येथे ► क्लिक करा

किरकटवाडी ग्रामपंचायतीकडून ओढ्याची सफाई व खोलीकरण मागील वर्षीच्या महापुरामध्ये किरकटवाडीमध्येही मोठ्या प्रमाणात नुकसान झाले होते. किरकटवाडील शिवनगर मधील ओढ्या लगतची तब्बल तेरा घरे पूर्णपणे जमीनदोस्त झाली होती. किरकटवाडी ग्रामपंचायतीनेही अशी परिस्थिती पुन्हा उद्भवू नये म्हणून पूर्ण ओढ्याची साफसफाई केली असून ओढ्याचे खोलीकरणही करण्यात आले आहे.

ताज्या बातम्यांसाठी डाऊनलोड करा ई-सकाळचे ऍप   

गृहनिर्माण संस्थांच्या कोसळलेल्या संरक्षक भिंती 'जैसे थे' च महापुरामध्ये किरकटवाडीतील पाच ते सहा गृहनिर्माण संस्थांच्या संरक्षक भिंती कोसळल्या होत्या. पुराचे पाणी पार्किंगमध्ये फिरून अनेक दुचाकी व चारचाकी वाहने वाहून गेली होती. या घटनेला जवळपास वर्ष होत आले आहे तरी कोसळलेल्या संरक्षक भिंती 'जैसे थे'च आहेत. विकसक आणि गृहनिर्माण संस्था यांच्यातील वादामध्ये संरक्षक भिंतींचे काम रखडलेले दिसून येत आहे. यामुळे यावर्षीही पुन्हा तशी परिस्थिती उद्भवल्यास नुकसान होण्याची शक्यता नाकारता येत नाही.