पुणे - मुंबई-बंगळूर महामार्गावरील नवले पुलाजवळ स्वामिनारायण मंदिर परिसरात दुतर्फा वाहने लावण्यास मनाई करण्यात आली आहे. याबाबतचे आदेश वाहतूक पोलिस आयुक्त विजयकुमार मगर यांनी दिले आहेत. या महामार्गावर गंभीर अपघात होत आहेत. त्यामुळे स्वामी नारायण मंदिर परिसर आणि दरी पुलाकडे जाणाऱ्या सेवा रस्त्यांवर चारशे मीटरपर्यंत वाहने लावण्यास मनाई करण्यात आल्याचे आदेशात नमूद केले आहे. याबाबत काही सूचना असल्यास येरवडा येथील वाहतूक शाखेच्या पोलिस उपायुक्त कार्यालयात लिखित स्वरुपात पाठवाव्यात, असे आवाहन करण्यात आले आहे.