पुणे - खडकवासला प्रकल्पातील (Khadakwasla Project) चार धरणांमध्ये (Dam) सध्या गतवर्षीच्या तुलनेत पाणीसाठा (Water Storage) कमी आहे. गतवर्षी २४ ऑगस्ट रोजी प्रकल्पात २८.४८ टीएमसी पाणीसाठा होता. तो यावर्षी मंगळवारअखेर २७.८८ टीएमसी इतका असून, सुमारे अर्धा अब्ज घनफुटांनी (टीएमसी) तो कमी आहे.

खडकवासला प्रकल्पाच्या पाणलोट क्षेत्रात जुलै महिन्यात चांगला पाऊस झाला. ऑगस्ट महिन्याच्या सुरवातीला चारही धरणे पूर्ण भरण्याच्या मार्गावर होती. परंतु ऑगस्टच्या मध्यानंतर पावसाचा जोर ओसरला. त्यामुळे पाणीसाठ्यात काही प्रमाणात घट झाली आहे. सध्या वरसगाव आणि पानशेत या दोन्ही धरणे पूर्ण भरलेली आहेत. तर, टेमघर धरणात पाणीसाठा ९० टक्क्यांच्या जवळपास आहे. खडकवासला धरणही पूर्ण क्षमतेने भरले होते. परंतु या धरणातील पाणीसाठा आता निम्म्यावर म्हणजे एक टीएमसी इतका झाला आहे.

उजनी धरणात

उजनी धरणात आजअखेर ३३.४० टीएमसी उपयुक्त पाणीसाठा उपलब्ध आहे. एकूण क्षमतेच्या ६२.३५ टक्के इतका आहे.

धरणांतील मंगळवारपर्यंतचा उपयुक्त पाणीसाठा (टीएमसीमध्ये) आणि कंसात टक्केवारी

• टेमघर ३.३३ (८९.७७)

• वरसगाव १२.८२ (१००)

• पानशेत १०.६५ (१००)

• खडकवासला १.०७ (५४.३९)

• पवना ८.३४ (९८)

• भामा आसखेड ६.९१ (९०.१८)

• नीरा देवघर ११.७३ (१००)

• भाटघर २१.५० (९१.४९)

• वीर ८.१५ (८६.५९)