आळेफाटा, ता.२ : आळेफाटा (ता. जुन्नर) येथील उपबाजारात रविवारी (ता. १) कांद्याच्या २३ हजार ३९५ कांदा पिशव्यांची आवक झाली. एक नंबर कांद्यास प्रतिदहा किलोस १७१ रुपये बाजारभाव मिळाला आहे.
बाजारात एक नंबर सुपर गोळा कांद्यास दहा किलोस १५० ते १७१, एक नंबरला १३० ते १५०, दोन नंबरला ११० ते १३०, तीन नंबरला ९० ते ११० तर बदला, चिंगळी कांद्यास ३० ते ८० रुपये बाजारभाव मिळाला.
दरम्यान, गेल्या आठवड्यात अवकाळी पावसाने कांदा उत्पादक शेतकऱ्यांचे मोठ्या प्रमाणावर नुकसान झालेले आहे. दोन दिवसांपासून वातावरणात ऊन पडत असल्याने ज्या शेतकऱ्यांकडे कांदा साठवणुकीसाठी सोय नाही, अशा शेतकऱ्यांनी कांदा विक्रीस आणलेला आहे. सध्या मिळणारा बाजारभाव खूपच कमी असून, सध्या मिळणाऱ्या बाजारभावातून शेतकऱ्याचा झालेला खर्च देखील‌ फिटत नसल्याने कांदा उत्पादक शेतकरी अडचणीत आलेला दिसून येत आहे