पारगाव, ता. १३ : लोणी (ता. आंबेगाव) येथे गावाच्या हद्दीतून जाणाऱ्या बेल्हे-जेजुरी महामार्गावर बुधवारी (ता.१२) रात्री ११ वाजता उसाने भरलेली ट्रॅक्टर ट्रॉली पलटी झाली. यामुळे महामार्गावरील वाहतूक विस्कळित झाली होती. सुदैवाने कोणतीही जीवितहानी झाली नाही. स्थानिक तरुणांनी तत्परता दाखवून ट्रॉली सरळ करून रस्त्याच्या कडेला आणल्याने वाहतूक सुरळीत झाली.
बेल्हे-जेजुरी महामार्गावर लोणी गावाच्या हद्दीत पैसा गलठा वस्तीजवळ साखर कारखान्यावर ऊस घेऊन ट्रॅक्टर निघाला होता. सर्व ऊस रस्त्यावर पडला. याच वेळी या रस्त्याने जात असलेले आदेश डोके, स्वप्नील गोरडे, संदीप गायकवाड, प्रवीण सुक्रे, विकास गायकवाड, महेंद्र वाळुंज यांनी तत्परता दाखवली. परिसरातील काही तरुणांना मदतीला बोलावून ट्रॉली सरळ करून रस्त्याच्या कडेला लावली त्यानंतर थोड्याच वेळात वाहतूक सुरळीत झाली.
06326