मंचर, ता. ११ : येथील रयत शिक्षण संस्थेच्या अण्णासाहेब आवटे महाविद्यालयातील ज्युनिअर कॉलेज विज्ञान विभागाच्या वतीने विज्ञान प्रदर्शनात आयोजित केलेल्या विविध स्पर्धांमध्ये १३१ विद्यार्थ्यांनी भाग घेतला. प्रदर्शनाचे उद्‍घाटन माजी सहकारमंत्री दिलीप वळसे पाटील व रयत शिक्षण संस्थेचे अध्यक्ष चंद्रकांत दळवी यांच्या हस्ते झाले.
विज्ञानावर आधारित स्केच, भित्तिपत्रक, प्रतिकृती, रेखाटलेल्या रांगोळ्या, वळसे पाटील व दळवी यांचे काढलेले हुबेहूब चित्र लक्षवेधक ठरले. भित्तिपत्रकामध्ये ६०, रांगोळीत २५, स्केचमध्ये २०, विज्ञान व प्रतिकृतीमध्ये १६ विद्यार्थ्यांनी सहभाग घेतला. याप्रसंगी चित्र काढलेल्या अनुष्का माठे व नेहा ठाकूर या विद्यार्थिनींचा सन्मान करण्यात आला. प्रा. श्वेता धुमाळ, प्रा. प्राजक्ता चौधरी, प्रा. निकिता काळे, प्रा. शामल गटे, प्रा. राजकुमार गायकवाड, प्रा.पूजा थोरात व प्रा. स्वाती ढगे यांनी व्यवस्था पाहिली. या वेळी प्राचार्य डॉ. नानासाहेब गायकवाड, ज्युनिअर कॉलेजचे उपप्राचार्य प्रा. अविनाश झावरे, विज्ञान विभाग प्रमुख डॉ. श्रीराम गणापुरे, डॉ. उमेश पाटील, प्रा. खंडू खिलारी, प्रा. प्रतीक्षा मोरडे, प्रा. आशिष गव्हाणे, प्रा. सीमा शिंदे आदी उपस्थित होते.