कोथरूड, ता. ७ : कोथरूडमधील एमआयटी महाविद्यालयाजवळ किरकोळ वादातून दोन गटांमध्ये जोरदार हाणामारी झाली. हा संपूर्ण प्रकार फिल्मी स्टाईलमध्ये घडल्याने परिसरातील नागरिकांना धक्का बसला. ही धक्कादायक घटना वनराजी सोसायटीच्या प्रवेशद्वाराजवळ घडली. दोन्ही गटांनी एकमेकांना मारहाण करीत गोंधळ घातला. या प्रकारामुळे सायंकाळी परिसरात तणावाचे वातावरण होते. काही नागरिकांनी हा प्रकार मोबाईलवर चित्रित करून सोशल मीडियावर व्हायरल केला. याबाबत वरिष्ठ पोलिस निरीक्षक संदीप देशमाने म्हणाले,‘‘घटनेची माहिती मिळाल्यानंतर आम्ही चौकशी सुरू केली आहे. अद्याप कोणाकडूनही औपचारिक तक्रार प्राप्त झालेली नाही. समाजमाध्यमांवर व्हायरल झालेल्या व्हिडिओंच्या आधारे आरोपींचा शोध घेतला जात आहे.’’
-------