पुणे, ता. २१ : कुतूहलातून विचारले जाणारे प्रश्नच संशोधनाला चालना देतात. संशोधन जागतिक दर्जाचे आणि लोकहिताचे असले पाहिजे,’’ असे प्रतिपादन आयुकाचे संचालक व खगोलशास्त्रज्ञ डॉ. आर. श्रीआनंद यांनी केले.

महर्षी कर्वे स्त्री शिक्षण संस्थेत झालेल्या समारंभात त्यांना ‘डॉ. जयंत नारळीकर खगोल रत्न पुरस्कार २०२५’ प्रदान करण्यात आला. ग्लोबल मिशन अ‍ॅस्ट्रॉनॉमी संस्था, हॅन्केल कंपनी आणि भारतीय युवक कल्याण व व्यायाम केंद्र यांच्या संयुक्त विद्यमाने हा पुरस्कार डॉ. भूषण पटवर्धन आणि पद्मश्री गिरीश प्रभुणे यांच्या हस्ते प्रदान करण्यात आला. या वेळी सम्राट फडणवीस, मीनाताई जगधने, डॉ. प्रसाद खंडागळे, भूपेश सिंग, डॉ. विशाल कुंभारे आदी मान्यवर उपस्थित होते.

कार्यक्रमात नारळीकर स्मृती विशेष स्मरणिका प्रकाशित करण्यात आली, तसेच विज्ञान निबंध स्पर्धेतील विजेत्यांना पारितोषिके देण्यात आली. खगोलशास्त्रावर आधारित विशेष प्रदर्शनात पुणे जिल्ह्यातील १६ शाळा, आयुका, जीएमआरटी सहभागी झाले.

कार्यक्रमाचे सूत्रसंचालन विकास माने आणि पल्लवी समेळ यांनी केले.
-----------