पुणे, ता. २१ : पत्नीने दुसरा विवाह केल्याने मानसिकदृष्ट्या खचलेल्या एका तरुणाने गळफास घेऊन आत्महत्या केल्याची घटना वडगाव शेरी परिसरात घडली.
सिडनी लॉरेन्स दोरायराज (वय ३९, रा. शिलानंद हाउसिंग सोसायटी, सोमनाथनगर, वडगाव शेरी) असे आत्महत्या केलेल्या तरुणाचे नाव आहे. याबाबत त्यांचा मोठा भाऊ स्टॅन्ली लॉरेन्स दोरायराज (वय ४१) यांनी चंदननगर पोलिस ठाण्यात फिर्याद दिली आहे. त्यानुसार, पोलिसांनी स्वाती सिडनी दोरायराज (वय ३२) आणि तिचा प्रियकर चेतन मोरे (वय ३५, रा. श्रीनिवास टेनेमंट, बडोदा, गुजरात) यांच्याविरुद्ध फसवणूक आणि आत्महत्येस प्रवृत्त केल्याचा गुन्हा दाखल केला आहे. स्वाती आणि सिडनी यांचा विवाह नोव्हेंबर २०१४ मध्ये झाला होता. काही काळाने स्वातीचे चेतन मोरे याच्याशी प्रेमसंबंध निर्माण झाले. घटस्फोट न घेता स्वाती चेतनसोबत राहू लागली. यानंतर तिने सिडनीला ‘मी परत येणार आहे’, असे सांगून त्याच्याकडून वेळोवेळी १५ लाख १८ हजार रुपये उकळले.
-------