पुणे, ता. २८ : रोटरी क्लब ऑफ पूना वेस्टच्या अंतर्गत व रोटरॅक्ट इंटरनॅशनल डिस्ट्रिक्ट ३१३१, झोन सातच्या अंतर्गत कार्यरत असलेल्या रोटरॅक्ट क्लब ऑफ गेनबा सोपानराव मोझे कॉलेज ऑफ इंजिनिअरिंगच्या अध्यक्षपदी श्रावणी शेंडकर यांची निवड नुकतीच झाली आहे. प्रसंगी क्लबच्या सचिव पदी शिवराज सुरवसे, उपाध्यक्षपदी श्रिया कुलकर्णी, खजिनदारपदी धीरज शिंदे यांनी नुकताच आपला पदभार स्वीकारला. तसेच युगांती कुमकर, प्रणव कोळपे, यश ढमाले, सत्यम शिंदे, स्वाती पेपेटी, वेदांती नागणे, प्रणव पिसाळ, वेदांत चौधरी, हर्षद निमसे, वरद खटावकर यांनी संचालक मंडळाचा पदभार स्वीकारले आहेत.
यावेळी क्लबचे दीपक कुलकर्णी, भाग्यश्री भिडे, दीपाली देशपांडे आदी उपस्थित होते. ‘‘रोटरी क्लबच्या माध्यमातून मुलांना समाजकार्यात आवड निर्माण करणे तसेच क्लबतर्फे वैयक्तिक विकास व नेतृत्व कौशल्य, भविष्यातील कारकिर्दीबाबत मार्गदर्शन, वेळेचे नियोजन, व्यवस्थापन, संघबांधणी, स्वच्छता, पर्यावरण, आदींचे प्रशिक्षण देऊन त्यांचा सर्वांगीण विकास करण्याचे मानस आहे,’’ असे कुलकर्णी यांनी सांगितले.