दहिवडी (जि. सातारा) : जंगलाची काळजी घेणे ही प्रत्येकाची जबाबदारी असून वणवा लावणाऱ्यांवर कठोर कारवाई करण्यात येईल, असा कडक इशारा दहिवडीचे वन परिक्षेत्र अधिकारी मारुती मुळे यांनी दिला. 

वन विभागातर्फे वणवा प्रतिबंधक सप्ताह सुरू आहे. त्यानिमित्त सुरुपखानवाडी (ता. माण) येथे आयोजित कार्यक्रमात ते बोलत होते. यावेळी वनपाल सूर्यकांत पोळ, वनरक्षक राहुल जगताप, नितीन जगदाळे, मंगेश साळुंखे, बंडू कोकरे, गुलाबराव पिसाळ, हिम्मत कदम, विठ्ठल खराडे, बाळू कोकरे, जगन्नाथ इंदलकर, भीमराव पिसाळ, सुरेश जाधव, बापू भोसले, सर्जेराव जाधव आदी मान्यवर उपस्थित होते. 

कुरळोशी वनक्षेत्रात वणवा लावल्याप्रकरणी गाढवलीच्या एकास कोठडी

वणव्याने जमिनीची आर्द्रता संपते. जमिनीचा पोत खराब होतो. पर्यायाने नुकसान आपलेच होते. त्यामुळे वणवा लागल्यास वन विभागास कळवा तसेच तो विझविण्यासाठी सहकार्य करा. वणवा लावणाऱ्या समाजकंटकांची माहिती वन विभागास द्या. त्यांच्यावर कडक कारवाई करण्यात येईल. वणवा लावणाऱ्यास वन कायद्यानुसार पाच वर्षे शिक्षा, पंचवीस हजार दंड अशी शिक्षा आहे, असेही श्री. मुळे यांनी सांगितले. सूर्यकांत पोळ यांनी कार्यक्रमाचे प्रास्ताविक केले. बंडू कोकरे यांनी आभार मानले. 

साताऱ्याच्या बातम्या वाचण्यासाठी येथे ► क्लिक करा

संपादन : बाळकृष्ण मधाळे