वणी (जि. नाशिक) : राजापूर, ता. दिंडोरी येथे लग्नाच्या वरातीचा कार्यक्रम आटोपून मोटरसायकलवरुन (Motocycle) घरी परतांना रस्त्याच्या कडेला इलेक्ट्रीक पोलला दिलेल्या लोखंडी तारांना मोटरसायकल धडकून पिंपळगांव बसवंत येथील दोघे मोटरसायकल स्वार ठार झाल्याची घटना घडली आहे.

राजापूर तालुका दिंडोरी येथे लग्नाच्या वरातीच्या कार्यक्रमावरून १६ एप्रिल रोजी सव्वा बारा वाजेच्या सुमारास खंडेराव रमेश लोखंडे व अविनाश देविदास पोटिंदे, दोन्ही राहणार अंबिकानगर, पिंपळगाव ब. ता . निफाड घरी पिंपळगाव येथे जात असतांना राजापुर ते मातेरेवाडी जाणाऱ्या रोडच्या कडेला असलेल्या इलेक्ट्रिक पोलला दिलेल्या ताणाला ( वायरला ) मोटार सायकल धडकली त्यात मोटार सायकल वरील दोन्ही इसम खंडेराव रमेश लोखंडे वय 22 वर्षे, अविनाश देविदास पोटिंदे वय 21 वर्षे हे ठार झाले. याबाबत वणी पोलिसांत अपघाताची नोंद करण्यात आली आहे.