Nashik Crime : खंबाळे (ता. इगतपुरी) गावात गुरुवारी (ता. २५) दुपारी चोरट्यांनी घरात कोणी नसल्याने बंद घराचे कुलूप तोडून रोख रक्कम व सोन्याच्या दागिने चोरले. एकाच वेळी तीन घरे चोरट्यांनी घरफोडी केली.

या धाडसी चोरीत चोरट्यांनी जवळपास ४३ हजार रोख व सव्वा लाख रुपये किमतीचे सोन्याचे दागिने असा दीड लाखाचा ऐवज घेऊन पोबारा केला. (3 burglaries in day in Khambale Nashik Crime)

हेही वाचा : Credit Card फसवणूक....काय घ्याल काळजी?

चोरीची माहिती मिळताच घोटीचे सहायक निरीक्षक दिलीप खेडकर, उपनिरीक्षक संजय कवडे यांच्यासह पोलिस पथकाने घटनास्थळी धाव घेतली. श्वान पथक व ठसे तज्ञ यांनाही बोलावण्यात आले.

प्रभारी उपअधीक्षक कविता फडतरे यांनी घटनास्थळी भेट देऊन चोरीची माहिती घेतली. खंबाळे गावातील रामनाथ केरू शिंगोटे यांच्या घरातील रोख रक्कम व सोन्याच्या दागिन्यांची चोरी केली.

गणेश पढेर तसेच भगवान पढेर यांच्याही घरातून चोरट्यांनी ऐवज लांबविला. तिन्ही घरातून चोरट्यांनी जवळपास ४३ हजार रोख व एक लाख दहा हजार किमतीचे सोन्याची दागिने असा एकूण एक लाख ५४ हजार रुपये किमतीचा ऐवज चोरून नेला. याबाबत घोटी पोलिसांत चोरट्यांविरोधात गुन्हा दाखल झाला आहे.