नाशिक : सध्या आषाढ महिना सुरू असल्याने देवीला गोड पुऱ्या आणि मेथीच्या (Fenugreek) भाजीचा नैवेद्य दाखविला जातो. सध्या पावसाच्या रिपरिपमुळे मेथीचे उत्पादन कमी झालेले असल्याने बुधवारच्या आठवडे बाजारात गृहिणींना मेथीच्या एका जुडीसाठी चक्क पन्नास रुपये मोजावे लागले. (50 rupees for judi of methi nashik news)

गत आठवड्यात ऐंशी रुपये किलोपर्यंत पोचलेल्या टोमॅटोची लाली आता कमी झाली असून, बुधवारी (ता. ६) आठवडे बाजारात टोमॅटो तीस रुपये किलोने उपलब्ध होते. इतर पालेभाज्या व फळभाज्यांच्या किमती मात्र स्थिर राहिल्या. पावसामुळे मेथीच्या उत्पादनात मोठ्या प्रमाणावर घट झाली आहे. त्यामुळे बाजार समितीतील मेथीची आवक मोठ्या प्रमाणावर घटली आहे. मात्र, आषाढातील देवीच्या नैवेद्यासाठी मेथीची भाजीचे महत्त्व असल्याने महिला वर्गाची भाव कमी करण्यासाठी घासाघीस सुरू होती. टोमॅटोचे भावही आता पूर्वपदावर आले आहे.

भाज्यांचे दर असे-

मेथी जुडी - ४० ते ५० रुपये जुडी

कोथिंबीर - २० रुपयांत छोटी जुडी

पालक - १० ते १५ रुपये जुडी

वांगी - ४० रुपये किलो

टोमॅटो - ३० ते ४० रुपये

कोबी गड्डा - १० रुपये

फ्लॉवर गड्डा - १० ते १५ रुपये

बटाटे - ३० रुपये किलो

हिरवी मिरची - ६० रुपये किलो.