मनमाड (जि. नाशिक) : मध्य रेल्वेच्या भुसावळ विभागातील चाळीसगाव रेल्वेस्थानकात फूट ओव्हर ब्रिजचा गर्डर टाकण्यात येणार असल्यामुळे १८ व १९ ऑक्टोबरला भुसावळ-इगतपुरी मेमू प्रवासी रेल्वेगाडी रद्द करण्यात आली आहे. तर या मार्गावर धावणाऱ्या ११ प्रवासी रेल्वेगाड्यांना विविध स्थानकांत थांबविण्यात येणार असल्याची माहिती रेल्वे प्रशासनाने दिली. (Bhusawal Igatpuri Memu also canceled for 2 days Nashik Latest Marathi News)

विविध स्थानकांत जम्मूतवी-पुणे झेलम एक्स्प्रेस वाघळी स्थानकावर सकाळी सव्वा आठ ते ११.२५ पर्यंत थांबविण्यात येणार आहे. पाटलीपुत्र एक्स्प्रेस (कजगाव, सकाळी साडेआठ ते ११.२५), गोरखपूर-पनवेल एक्स्प्रेस (गालन, सकाळी ८.४० ते ११.२५), गोरखपूर एक्स्प्रेस (पाचोरा, ८.४५ ते ११. २५), निजामुद्दीन-वास्को गोवा एक्स्प्रेस (माहेजी सकाळी ९.५० ते ११.२५), गोरखपूर एक्स्प्रेस (शिरसोली सकाळी १०.२५ ते ११.२५), गुवाहाटी (जळगाव, सकाळी १०.४० ते ११.२५), गोरखपूर एक्स्प्रेस (हिरापूर, सकाळी १०.३५ ते ११.२५), प्रयागराज एक्स्प्रेस (न्यायडोंगरी, सकाळी १०.४० ते ११.२५), हावडा (पिंपरखेड, सकाळी १०.५० ते ११.२५) वास्को-निजामुद्दीन गोवा एक्स्प्रेस (नडगाव, सकाळी ११ ते ११.२५) थांबविण्यात येणार आहे.