Nashik 11th Admission : शहरात अकरावी प्रवेशासाठी पहिल्‍या फेरीची मुदत शनिवारी (ता. २४) संपलेली असताना मुदतवाढ देण्याचा निर्णय शिक्षण विभागाने घेतला आहे. त्‍यानुसार यादीतील विद्यार्थ्यांना प्रवेश निश्‍चितीसाठी सोमवारी (ता. २६) सायंकाळी सहापर्यंत मुदत असेल. (Date extended till date for admission to class 11 nashik news)

या प्रक्रियेत पहिल्‍या नियमित फेरीची निवडयादी जाहीर केल्‍यानंतर प्रवेश निश्‍चितीसाठी शनिवारपर्यंत मुदत होती. परंतु विद्यार्थी, पालक व काही कनिष्ठ महाविद्यालयांच्‍या मागणीनुसार तसेच फेरीची प्रवेशप्रक्रिया व्यवस्थित पूर्ण होण्याकरिता प्रवेशासाठी मुदतवाढ देत असल्‍याची सूचना शिक्षण विभागाने जारी केली आहे.

हेही वाचा : Credit Card फसवणूक....काय घ्याल काळजी?

पहिल्‍या निवड यादीत पंधरा हजार विद्यार्थ्यांचा समावेश असला, तरी आत्तापर्यंत एकूण सात हजार ९६२ विद्यार्थ्यांचेच प्रवेश निश्‍चित झाले होते. यामध्ये यादीतील सात हजार २०० विद्यार्थ्यांनी प्रवेश घेतले आहेत. तर कोट्याच्‍या राखीव जागांवर ७६२ विद्यार्थ्यांचे प्रवेश निश्‍चित झाले आहेत.