Nashik News : इंडियन ऑईल इंधन प्रकल्पातील सुरक्षा अधिकाऱ्याच्या मनमानी कारभाराविरुद्ध इंधन वाहतूकदार मालक-चालक-वाहकांनी आंदोलन करून संप पुकारला आहे. संबंधित अधिकाऱ्याची येथून बदली करण्याची मागणी वाहतूकदारांनी मंगळवारी (ता. ३१) केली. (Indian Oil Project Owner Driver Carriers protest Against arbitrary action by security officials nashik news)

इंडियन ऑइल प्रकल्पातील सुरक्षा अधिकारी कुलारी यांनी टँकरवर असलेल्या वाहकाला अर्वाच्च भाषेत शिवीगाळ करून कामावरून काढून टाकले. सदर कर्मचारी हा गरीब व होतकरू असून, त्याने रीतसर गेटवरून कायदेशीर पूर्तता करून टँकर भरण्यासाठी आत प्रवेश केला होता.

मात्र, संबंधित सुरक्षा अधिकाऱ्याने कुठलीही विचारपूस न करता त्यास अरेरावी करीत त्याचा गेटपास जमा करून घेतला.

‘यापुढे कंपनीत येऊ नको आणि तुझ्याबरोबर असेल त्यांनाही एकेकाला बाहेर काढून टाकेन’ अशी धमकी दिली.

त्यामुळे संतापलेल्या टँकर मालक-चालक-वाहकांनी या अधिकाऱ्याच्या विरोधात बंद पुकारून टँकर न भरण्याचा निर्णय घेतला. त्यामुळे राज्यातील विविध ठिकाणी केला जाणारा इंधनपुरवठा ठप्प झाला आहे.