नाशिक / अभोणा : बार्डे, गोसराणे (ता.कळवण) परिसरात गेल्या काही महिन्यांपासून बिबट्याच्या मुक्तसंचारामुळे येथील नागरिकांमध्ये दहशतीचे वातावरण तयार झाले होते. सोमवार(ता.7 )रोजी पंडित वाघ यांच्या घराजवळ लावलेल्या पिंजऱ्यात पहाटे दोन वाजेच्या सुमारास बिबट्या पिंजऱ्यात अडकल्याचे दृष्य सीसीटीव्ही कॅमेऱ्यात कैद झाले आहे.

धुमाकूळ घालून दहशत घालणारा बिबट्या जेरबंद

बिबट्या पिंजऱ्यात जेरबंद झाल्याने बार्डे,गोसराणे परिसरातील नागरिकांनी सुटकेचा निःश्वास सोडला आहे. या परिसरात बिबट्याने धुमाकूळ घालून दहशत निर्माण केली होती. रात्रीच्या वेळी कुणीही घराबाहेर पडत नसे.सातच्या आत घरात अशी स्थिती निर्माण झाली होती.परिसरातील बऱ्याच पाळीव प्राण्यांवर हल्ले करून,या बिबट्याने जनावरे फस्त केली होती. जेरबंद झालेल्या बिबट्याला पाहण्यासाठी परिसरातील नागरिकांनी गर्दी केली होती. वनविभागाच्या कर्मचाऱ्यांना सूचना देऊन बिबट्या त्यांच्या ताब्यात देण्यात आला.

हेही वाचा > गोणीतून चिमुरड्याचा आवाज येताच ते थबकले...अमानवीय घटनेने नागरिकांत संताप

हेही वाचा >  ब्रेकिंग : रस्त्यावर प्रसुती झालेल्या बाळंतीण महिलेवर डॉक्टरचा दबाव; "महिला रुग्ण व डॉक्टर" मधील वादग्रस्त संभाषणाचा VIDEO व्हायरल

संपादन - ज्योती देवरे