नाशिक : खासगी रुग्णालयातील आर्थिक पिळवणूकीविरोधात ऑपरेशन हॉस्पीटल मोहीम राबवित आंदोलन करणाऱ्या सामाजिक कार्यकर्ते जितेंद्र भावे यांच्या विरोधात सरकारवाडा पोलिस ठाण्यात गुन्हा दाखल झाला आहे. (police case has been registered against jitendra bhave for protesting at a private hospital)

कॉलेज रोड मार्गावरील डॉ. विक्रांत विनोद विजन (वय ३७, पाटील लेन) यांच्या तक्रारीवरुन गुन्हा दाखल झाला आहे. डॉ. विजय यांच्या तक्रारीनुसार, त्यांच्या कोवीड रुग्णालयात उपचार घेतलेल्या रुग्ण दत्तात्रय पांडूरंग आटवणे यांचे निधन झाले. त्यानंतर मृत आटवणे यांचा मुलगा स्वप्नील व मुलगी सायली यांनी शनिवारी (ता.२२) विजन हॉस्पीटलमध्ये रुग्णालयात जितेंद्र भावे, सोमा कुऱ्हाडे, रोहन देशपांडे आदीसोबत येउन हॉस्पीटलने रुग्णांचे जादा बिल आकारल्याची तक्रार करीत, उपचाराचे मूळ कागदपत्र मागून रुग्णालयातील प्रशासनाला वेठीस धरले. रुग्णालयातील कर्मचाऱ्यांना दादागिरी करीत, कामात अडथळा आणला तसेच वैद्यकिय व रक्त तपासणी खर्चाची बिल घेउन बाकी पैसे न भरताच निघून गेले. याप्रकरणी महाराष्ट्र वैद्यकिय सेवा व्यक्ती आणि वैद्यकिय संस्‍था हिंसक कृत्य व मालमत्तेची हानी अधिनियमार्तंगत गुन्हा दाखल करण्यात आला.

(police case has been registered against jitendra bhave for protesting at a private hospital)